शासन निर्णय

राज्यातील विमुक्त जाती व भटक्या जमाती प्रवर्गांच्या सामाजिक व आर्थिक उन्नती व्हावी यासाठी सध्या कार्यरत असलेल्या वसंतराव नाईक विमुक्त जाती व भटक्या जमाती विकास महामंडळांतर्गत गवळी समाजासाठी आर्थिक विकास महामंडळ स्थापन करण्यास शासन निर्णय क्र.वनामं २०२४/प्र.क्र.५२/ महामंडळे, दि.०४ मार्च, २०२५ अन्वये मान्यता देण्यात आली आहे. सदरचे महामंडळ “श्रीकृष्ण आर्थिक विकास महामंडळ (वसंतराव नाईक विमुक्त जाती व भटक्या जमाती विकास महामंडळाची उपकंपनी)” या नावाने संबोधले जाईल. वसंतराव नाईक विमुक्त जाती व भटक्या जमाती विकास महामंडळाच्या नियंत्रणाखाली सदर उपकंपनीचे कामकाज चालविण्यात येईल.